Беларусам да 31 сакавіка ўключна трэба задэклараваць даходы за 2025 год, нагадвае Міністэрства па падатках і зборах. Гаворка ў тым ліку пра падарункі ад сваякоў, якія перавышаюць пэўную суму, і грашовыя паступленні з-за мяжы.
Падаць дэкларацыю пра даходы ў 2025 годзе трэба да 31 сакавіка ўключна. Пры гэтым аплаціць выстаўлены падатак трэба будзе да 1 чэрвеня ўключна.
Адправіць дэкларацыю трэба ў тым ліку тым, хто за апошнія пяць гадоў прадаў больш за адзін жылы дом ці садовы дамок, машына-месца, зямельны ўчастак, гараж, больш за адну кватэру або лецішча. Таксама трэба даць справаздачу тым, хто прадаў іншую нерухомасць незалежна ад яе колькасці (напрыклад, офісныя, складскія, гандлёвыя памяшканні).
Задэклараваць даходы таксама трэба тым, хто атрымаў сродкі ад продажу цягам каляндарнага года грузавога аўтамабіля, аўтобуса, дзвюх і больш легкавых машын.
Таксама даваць справаздачу трэба за падарункі не ад блізкіх сваякоў, якія агулам за год перавысілі суму ў памеры 11 516 рублёў.
Нагадаем, у 2026-м чыноўнікі ўвялі змяненні: даходы ад падарункаў, якія не абкладаюцца падаходным зборам, знізілі да 6000. Гаворка пра сумы ад усіх крыніц у Беларусі. Пры гэтым увялі планку ў 6000 рублёў, якія можна атрымаць з-за мяжы, і яны не будуць абкладацца падаходным.
Даходы ад крыніц за межамі Беларусі таксама трапляюць пад дэклараванне. Гаворка, да прыкладу, пра грашовыя паступленні ад працы па найме, дарэння ад замежных грамадзян і арганізацый.
Таксама падаваць дэкларацыю трэба тым, у каго былі даходы з-за мяжы.
Чытайце таксама
